ألتراس زفت... أوسكار القذارة لجماهير الاهلي

إمبارح روحت ماتش الاهلي والاسماعيلي... واحد صاحبي جابلي تذكرة مجانية...

قعدت في الدرجة الاولي، كان حواليا اهلاوية بس مش مركزين في الماتش...

وبدأت المباراة، وفجأة... انهالت الشتائم القذرة من خلف مرمى الاسماعيلي...

بصيت لقيت رابطة وناس بترقص، سألت... هما مش الرابطة دول مفروض محترمين؟

راح واحد ابن حلال شاورلي على مدرج في الدرجة التانية قالي الرابطة المحترمة أهيه

لكن الي ورا الجون دول رابطة جديدة اسمها التراس اهلاوي، بيشتموا !!!!!!!!!!!!

انا بصراحة استغربت جداً... قلت اركز معاهم اشوفهم...

وفوجئت بسيل شتائم قذرة وملحنة وطويلة جداً مستمرة طول المباراة...

مش شتائم الدرجة التالتة بتاعة جمهور مصر... لأ...

شتائم عبارة عن أغاني طويلة جداً (كوبليه واتنين وتلاتة) وكلها شتايم...

شتايم في الاسماعيلي والزمالك...

والاسماعيلية (كمدينة وكشعب)...

بل وصيحات لليهود الي هزموا شعب الاسماعيلية في 67...

انا سمعت الكلام ده بودني واليكم بعض الامثلة...

أوأو أووو أوووو ** أم إسماعيلية بلدكو

يالي اليهود ***وكو إحنا بنكرهوكو

وأغنية أخرى طويلة جداً بتبتدي بمعايرة بأهداف بيبو وبركات وبتنتهي بشتيمة اهل الاسماعيلية انهم سابوا بلدهم وقت النكسة... !!!!!!!!!!!!!!!!!!!!!!!!!!!!!!!!!!!

انا بجد ماصدقتش... وقعدت اسأل عن الرابطة القذرة دي قالولي
دي بتجتذب اعداد كبيرة جداً من الجمهور الاحمر وليها موقع على
النت عليه الاغاني علشان الناس تحفظها قبل المباراة...

برضه ماصدقتش رجعت دورت على جوجل، ولقيت الموقع ولقيت عليه الاغاني...

مش هاكتب اسم الموقع علشان ادارة المنتدى بس الي عاوز يدور على جوجل على:

Ultras Ahlawy

هايلاقيه اول موقع....

وهاتلاقوا الاغاني فيه... والشتايم القذرة...

بجد انا مش عارف اقول إيه....